አብራከዳብራ = እርስ

እኔ እና ቤቴ ግጥም የህያው ምስክር እንደሆኑ እናምናለን:

ምናባዊ መገልጥም እንደሆነ እናምናለን:

ለአያቶቻችንም ከመለኮት ጋም የሚገናኙበት መሰላል -ለአባቶቻችን የአብዮት ሰይፈ የሚስሉበት ሞረድ.ለእኛ ፈልግ እንደሆነ እናምናለን:

ካልተንዛዛ ለቅሶ ካልቆረፍደ ተረት ያልተዝረከረከ ፍልስፍና እንደሆነ እናምናለን: ለገጣሚ ብቻ የተሰጠ መክሊት እንደሆነ እናምናለን: ገጣሚው ያላረገዘውን የማያምጥ: ያላማጠውን የማይወልድ: ያልወለደውን የእኔ ነው ብሎ እንደማይጠራ እናምናለን: በጭብጨባ ብዛት የማይለመልም በእርግማን ብዛት የማይመነምን እንደሆኑ እናምናለን: ከሁሉም በላይ ከዘመዶቹ ከሰው ልጆች የሚያግደ ልባም እንደሆነ እናምናለን: ይሄንንም እመሰክራለው